Түркияға барған құтқарушылардың бәріне ақшалай сыйақы төленеді

Түркияға барған құтқарушылардың бәріне Төтенше жағдайлар министрлігінің бюджетінен ақшалай сыйақы төленеді. Бұл туралы Төтенше жағдайлар вице-министрі Ибрагим Күлшімбаев мәлім етті, деп хабарлайды taulik.kz.

«Бұған дейін Мемлекет басшысы Түркияға барған құтқарушылардың бәрі марапатталатынын айтқанын білесіздер. Бүгінгі таңда Төтенше жағдай министрлігі құтқару операциясына құтқарушылардың тізімі мен бүкіл құжаттарын Президент Әкімшілігіне жолдады. Ал ақшалай сыйақы бөлуді министрлік өз бюджетінен қарастырады. Бәріне төленеді», - деді вице-министр.