Шольц Батыстың Украинаға қауіпсіздік кепілдігін беруге дайын екенін мәлімдеді

Шольц батыс қақтығыс аяқталғаннан кейін Украинаға қауіпсіздік кепілдігін беруге дайын екендігін айтты,деп хабарлайды taulik.kz сайты gazeta.ru-сайтына сілтеме жасап. Германия канцлері Олаф Шольц қақтығыс аяқталғаннан кейін Батыстың Украинаға қауіпсіздік кепілдігін беруге дайын екенін мәлімдеді.Бірақ ол CNN-ге берген сұхбатында әлі ол уақыт келмегенін айтты.

"Менің ойымша, олар біздің болашақ бейбіт кезеңге осы ел үшін белгілі бір кепілдіктер ұйымдастыруға дайын екенімізді біледі. Бірақ бұл нүктеге біз әлі келген жоқпыз", — деді неміс саясаткері.

Оның айтуынша, Батыс Украина қақтығысын реттеу туралы шешім қабылдамайды. Сондай-ақ, Шольц бейбіт келіссөздердің негізін Ресей әскерлерін шығару деп атады. Бұған дейін Украина президенті Владимир Зеленский қақтығысты шешудің "бейбіт жоспары" қандай кепілдіктер беретінін айтқан болатын. Зеленскийдің жоспары он тармақтан тұрады.Оның жоспары бойынша Украинадағы бейбітшілік үшін радиациялық және ядролық қауіпсіздік, азық-түлік және энергетикалық қауіпсіздік,әскери тұтқындармен алмасу, елдің аумақтық тұтастығын қалпына келтіру, Ресей әскерлерін шығару және соғыс іс-қимылдарды тоқтату, әділеттілікті қайтару, экоцидке қарсы тұру, өршуге жол бермеу, соғыстың аяқталуын бекіту қажет. Қазіргі уақытта Украинада Ресей Федерациясы Қарулы күштерінің арнайы операциясы жалғасуда. Оның басталғанын 2022 жылдың 24 ақпанында Ресей президенті Владимир Путин жариялады. Оның айтуынша, соғыс қимылдарының ең басты мақсаты-көрші елді қарусыздандыру және оның билігін жою. Операцияны жүргізу туралы шешім АҚШ пен олардың одақтастарының Ресейге қарсы жаңа санкцияларына себеп болды.