Қазақстанда жаппай тәртіпсіздікке шақырғандарға жаза күшейтіледі

Министр Қазақстанда жаппай тәртіпсіздікке шақырғандарға жаза күшейтілетінін айтты, деп хабарлайды taulik.kz сайты ulysmedia.kz сайтына сілтеме жасап.  Ішкі істер министрі Марат Ахметжанов Сенатқа Қылмыстық, Қылмыстық-процестік және Қылмыстық-атқару кодекстеріне өзгерістер мен толықтырулар енгізу туралы заң жобасын таныстырды.

«Жаппай тәртіпсіздікке шақыру: оның ішінде телекоммуникация желісін пайдалану арқылы шақыру, қылмыстық топ құрамында жасалған бұзақылық, ерекше цинизммен және қылмыстық топтың құрамында жасалған кісі өлтіру мен бандитизм үшін санкциялар қатаңдайды. Мұндай қылмыскерлер үшін мерзімінен бұрын босату мүмкіндігі алынып тасталады», - деді министр.