Халықаралық аудит "Арселор Миттал Теміртау" тексерісін жүргізеді

«Арселор Миттал Теміртау» компаниясының халықаралық аудиті ағымдағы жылдың наурыз-мамыр айларында өз жұмысын аяқтайды. Бұл туралы «Самұрық-Қазына» АҚ қоғамдық кеңесінің отырысынан кейін бас мемлекеттік еңбек инспекторы Төлеген Оспанқұлов мәлім етті, деп хабарлайды taulik.kz kapital.kz-ке сілтеме жасап.

"Өздеріңіз білетіндей,"Арселор Митталда" соңғы рет бірнеше адам қайтыс болған қайғылы оқиғадан кейін тергеу жүргізілді. Оқиға өндіріспен 100 пайыз байланысты болды. Кінәлілер анықталды. Бірақ тапсырма бойынша қазір халықаралық аудит жұмыс істейді.Алдымен біз Бас прокуратураның тапсырмасы бойынша еңбек инспекторларымен және басқа бақылаушы органдармен тексеру жүргіздік. Қазір ол тексерулер тоқтатылды, себебі Халықаралық аудит жұмысын бастады", - деді еңбек инспекторы.

Баяндамашы халықаралық аудит жұмыстың қорытындысын мамыр айына дейін қорытындылау керек екенін айтты.

 «Халықаралық аудит тек еңбек қауіпсіздігі бойынша ғана емес, сонымен бірге бүкіл сектор бойынша, мысалы, экология, өнеркәсіптік қауіпсіздік, төтенше жағдайлар бойынша жалпы аудит жүргізеді. Егер сіз тіркелген трагедиялардың себебін қарастыратын болсаңыз, онда қондырғылар ескірген және жаңартылмаған. Сонымен қатар, басқа да ұйымдастырушылық мәселелер бар. Сондықтан біраз күту керек. Соңғы шешімді халықаралық аудит қабылдайды», - деп қосты Төлеген Оспанқұлов.