Қаңтар қырғынын болжаған көріпкел Алматыда жойқын зілзала болатынын айтты

Кезінде қаңтар қырғыны мен Түркиядағы зілзаланы болжаған көріпкел тағы бір болжамын жариялады, деп хабарлайды Taulik.kz inbusiness.kz сайтына сілтеме жасап.

Назым Осака есімді фейсбук қолданушысы жуырда оразадан соң Алматыда жойқын жер сілкінісі болуы мүмкін екендігін ескертіп, тұрғындарды сақтық шараларын қаперде ұстауға шақырды.

"Оразадан кейін жер сілкінісі болады деп ойладым. Менің кеңесім ораза біткенше жеке үйде тұру керек. Жаңа тұрғын үйде тұратындар жер үйдегі ата-анаңызға барған дұрыс. Панельдердегі де. Ескі кірпіш үйлер шыдайды. Бірақ қалғандарына сену қиын. Егер сіз жаңа көп қабатты үйде тұрсаңыз, тоңазытқыштың жанында ұйықтаңыз. Немесе  тоңазытқышты ұйықтайтын жерге қойыңыз. Ішінде көбірек су мен дайын тамақ бар. Бұл күндері иттер барлық жерде ұлиды. Аспан қараңғы болды. Ауадан жағымсыз иіс шығады. Маған өте өкінішті. Кез келген жағдайда мен ренжіткен кезімді кешіріңіз. Мен барлықтарыңызды жақсы көремін. Өзіңізге және балаларыңызға қамқорлық жасаңыз. Бірге ұйықтаңыз. Жылы киініңіз. Алла тағала разы болсын! Менің байғұс халқым. Мен түні бойы кешірім сұраймын", деп жазды ол желідегі парақшасына.

Айта кетелік, көріпкел бұған дейін Алматыдағы қаңтар қырғыны болатынын, көптеген адам қайтыс болатынын жазған еді. Желі қолданушылары оның Түркиядағы зілзала туралы болжамының да рас келгенін айтып, оған сенуге болатындығын жазған.