Түркістанда із-түзсіз жоғалған 11 жастағы қыздың мәйіті табылды

Түркістанда жоғалып кеткен 11 жастағы қыздың мәйіті «Арыс-Түркістан» каналынан табылды, деп хабарлайды taulik.kz. Түркістан облысы Төтенше жағдайлар департаментінің жедел-құтқару жасағының құтқарушылары осыдан 5 күн бұрын Түркістан қаласында жоғалған қыздың денесін тапты. Оқиға орнынан 11 шақырым жерден мәйітті судан алып шықты.

«Іздестіру-құтқару жұмыстарына Түркістан облысы Төтенше жағдайлар департаментінің 112 жеке құрамы, 1 квадрокоптер, 7 техникасы және жедел құтқару жасағының 5 сүңгуірі, 2 жүзу қайығы, 1 техникасы жұмылдырылды. Полиция департаментінен 20 адам, 4 техника, жергілікті атқарушы органнан 2 адам, 1 техника көмекке келді»,  – делінген Түркістан облысы Төтенше жағдайлар департаментінің баспасөз қызметі таратқан хабарламада.