Әлия Назарбаева «ӨКМ Операторынан» 13 млрд теңге жымқырған

Адвокат Коротенко «ӨКМ Операторынан» 13 млрд теңгені жымқырған Әлия Назарбаевадан жауап алынуы керек деп есептейді, деп жазады Taulik.kz сайты ulysmedia.kz-ке сілтеме жасап. Ақшаны жұмсау туралы шешім қабылдаған компанияның негізін қалаушы - экс-президенттің қызы екенін жазған авдокат Коротенко былай дейді:

«Назарбаеваның заңсыз ақшаға салынған зауыты тәркіленуі мүмкін. Ол біздің іс бойынша мүлде жоқ адам, статусы да жоқ. Біз одан бірнеше рет сұрадық. Ал оның мүлкі тәркіленді», - дейді ол.

Қазір алдын ала тыңдаулар өтіп жатыр, айыпталушылар қатарында бұрынғы Экология, геология және табиғи ресурстар вице-министрі Ахметжан Пірімқұлов, «Оператор РОП» ЖШС басқарма төрағасы Медет Құмарғалиев, бұрынғы қаржы директоры Рустам Темірбек және РОП операторының бұрынғы бас директоры, Украина азаматы Светлана Коротенко бар.