Қазақстандық теннисші АҚШ-тағы турнирді жеңіспен бастады

Қазақстандық теннисші Дмитрий Попко (АТР рейтингінде 418-орын) Сарасотадағы (АҚШ) турнирді жеңіспен бастады, деп хабарлайды taulik.kz Sports.kz порталына сілтеме жасап.  Іріктеу кезеңінің бірінші кезеңінде Попко америкалық Исайя Стродқа (1045-орын) еш мүмкіндік бермеді. (6:2, 6:2) Енді негізгі жеребеге шығу үшін қазақстандық Захари Свейда (АҚШ, 228-орын) мен Дональд Янг (АҚШ, 611-орын) жұбының жеңімпазымен күш сынасады. Сарасотадағы "Челленджердің" жүлде қоры 160 мың доллар. Жеңімпаз 21 650 доллар ұтып, 125 рейтингтік ұпайға ие болады. Айта кетейік, Дмитрий Попко биылғы маусымды тек наурыз айының аяғында бастады.