Кітабымнан алынды: Асқар Жалдинов «5:32» сериалын түсіргендерді сотқа берді

Асқар Жалдинов «5:32» сериалын түсіргендерді сотқа берді деп хабарлайды Taulik.kz сайты.

Асқар Жалдиновтың айтуынша, «5:32» сериалына арқау болған Протоколдан тыс. Қазақстандағы атышулы қылмыстар құпиясы»кітабындағы хикаялар рұқсатсыз алынған.

Автор сериалдың премьерасы 2021 жылы өткенін, ал кітап 2020 жылы жарық көргенін атап өтті.

«Өткен жылы сотқа берген жоқпын, өйткені бәлеқор атанып, дау-дамайдың ортасында жүргім келмеді. Бірақ, биыл Salem Social Media компаниясы мен олардың құрылтайшысы, Еуразия өнеркәсіптік тобы – ERG тарапынан жасалған іс-әрекеттер мені осы шешімді қабылдауға итермеледі. Енді мен өз ақиқатымды сотта дәлелдегім келеді және сериал түсіргендердің осындай өрескел әрекеті үшін жазаланғанын қалаймын. Сот талабы да жақында болады», – деді ол өзінің Instagram-дағы парақшасында.