Жаңаөзендік жұмысшыларды қауіпсіздік қызметкерлері ұстап әкетті

Желіде Астанадағы Энергетика министрлігі ғимаратының жанында пикет ұйымдастырған Жаңаөзен мұнайшыларын қауіпсіздік қызметкерлері ұстап әкеткен видео тарады, деп хабарлайды taulik.kz Ulysmedia.kz сайтына сілтеме жасап. Жұмысшылар алдымен кеттлингке алынды, содан кейін барлық заттарды алдын-ала жинап, автозактарға тиеді. Бейнежазбадан тәртіп сақшылары жұмысшыларды қалай ұстап жатқанын көруге болады.

"Бералы Маңғыстау Company" мұнай сервистік мердігерлік компаниясының 70-ке жуық бұрынғы қызметкері 10 сәуірде Астанадағы Энергетика министрлігі ғимаратының алдына жиналған болатын.

Ер кісілер Астанаға Жаңаөзеннен келген, олардың сөзінше, елордаға келуіне жұмыссыздық себеп болған. "Бералы Маңғыстау" компаниясы тендерден ұтылып, барлығы жұмыс орындарынан айырылған. Жаңаөзен жұмысшылары түні бойы көшеде болды.