«АрселорМиттал Теміртаудағы» кезекті бұзушылықтар: 1,2 млрд теңге айыппұл салынды

АрселорМиттал Теміртауға 1,2 млрд теңге айыппұл салынды, деп хабарлайды Taulik.kz. «АрселорМиттал Теміртау» АҚ 2019 жылға салық шегерімдерін бұзғаны анықталды. Бұл туралы Қарағанды облысы бойынша Мемлекеттік кірістер департаменті мәлім етті.

“Камералдық мониторинг жүргізу кезінде нақты есептелген корпоративтік табыс салығының мәлімделген аванстық төлемдер сомасынан 20%-дан асып кетуі анықталды. Осыған байланысты ҚР ӘҚБтК-нің 278-бабының 3-бөлігі бойынша 1,2 млрд теңгеден астам айыппұл сомасына әкімшілік материал толтырылды. Биылғы жылдың наурыз айында «АрселорМиттал Теміртау» АҚ апелляциялық шағымын қарау барысында Қарағанды облыстық соты Департаменттің дәлелдерін қолдады және әкімшілік айыппұл күшінде қалды”, – делінген хабарламада.