Жаңаөзендегі жарылыс: соңғы мәліметтер жарияланды

Бүгін, 17 сәуірде сағат 5 шамасында Жаңаөзен қаласында екі кіреберістен тұратын 12 пәтерлі 2 қабатты тұрғын үйден газ-ауа қоспасының жарылысы орын алды, деп хабарлайды taulik.kz ТЖМ сілтеме жасап. Мәлімет бойынша, оқиға орнында өрт орын алған жоқ, Жарылыс салдарынан 150 шаршы метр кіреберіс қирады. Жарылыс кезінде 4 пәтер зардап шекті.

«Құтқарушылар үйінділердің астынан 4 аман қалған адам мен 4 адамның денесін алып шықты. Қазіргі уақытта 6 адам ауруханада ем алуда. ТЖД-да жедел штаб құрылып, жедел желі телефоны 8/7292/31-90-99 қызмет көрсетуде», - деп жазды ведомстводан.

Оқиға орнына ТЖД бастығы полковник Мұрат Мұханов барды. Үйінділерді талдау бойынша жедел жұмыстарға 40-қа жуық техника мен 350-ге жуық адам, соның ішінде кинологиялық есеп, Ұлттық ұланның әскери қызметшілері, жергілікті атқарушы органдар, жедел медициналық көмек, полиция, еріктілер жұмылдырылды. Сағат 18.15-те барлық авариялық-құтқару және үйінділерді талдау жұмыстары аяқталды. Қазіргі уақытта Жаңаөзен қаласының әкімдігі комиссия құрды. Осы комиссия орын алған жарылыстың мән-жайын анықтап, келтірілген залалды анықайтын болады.