Қоқыс жәшігінен жаңа туған нәресте табылды

Орал қаласында қоқыс жәшігінен жаңа туған нәресте табылды, деп хабарлайды taulik.kz Stan.kz сайтына сілтеме жасап. БҚО полиция департаментінің баспасөз қызметінен мәлім еткеніндей, оқиға 24 сәуір күні болды.

"Сағат шамамен 11.31-де 102 операторына Надежда көшесі, 66-үйдің артындағы қоқыс жәшігінде целлофан пакетке оралған шақалақ табылғаны жөнінде хабар түсті. Оқиға орнына келгеннен кейін нәрестенің ұл бала екендігі анықталды. Ол шұғыл түрде қалалық көпбейінді ауруханаға жеткізілді. Аталған дерек ҚР Қылмыстық кодексінің 119-бабы 1-бөлігіне сәйкес сотқа дейінгі тергеп-тексерудің бірыңғай тізіліміне тіркеліп, тергеу амалдары жүргізілуде", - деп хабарлады ведомстводан.

БҚО денсаулық сақтау басқармасының баспасөз қызметі сәбидің денсаулығына қатысты мәліметті кейін беретінін жеткізді.