Атырауда мерекелік концерт кезінде жүзден аса бала жоғалды

Атырауда 16 мың тұрғын жиналған концертте 172 бала жоғалып кеткен, деп хабарлайды Taulik.kz тілшісі Polisia.kz-ке сілтеме жасап. Эстрада жұлдыздарының гала-концерті 28 сәуірде өтті. Сағат 19:00 мен 00:00 аралығында алаңда жұмылдырылған полиция қызметкерлеріне бала жоғалды деген дерекпен 170-тен аса шағым келіп түскен. Оның - 125 жасөспірім, 14 жастан 18 жасқа дейінгілер, ал 47 бала жас шамасы 1,5 жастан 14 жасқа дейінгі бүлдіршіндер. Барлық бала табылып, аман-есен ата-аналарына табысталды.