Курсанттың өліміне қатысты тың мәлімет шықты

Алматыдағы ҰҚК академиясының жатақханасында өзіне қол жұмсаған курсанттың соңғы хаты жарияланды, деп хабарлайды taulik.kz Halyq Uni сайтына сілтеме жасап. Хатта жазылғандай, жас жігіт құмар ойынға тәуелді болған. Марқұм өзіне қол жұмсаған күні жаңадан алған несиесінің төлем уақыты келгенін жазған.

Ата-анам арманымның бәрін орындап, қалағанымның бәрін істеді. Жұрттан қалмасын деп күндіз-түні мен үшін еңбек етті. Ал мен мұның бәрін осылай өтедім, – делінген хатта.

Курсант артынан қалдырған соңғы хатында ата-анасынан кешірім сұрап, олардың көз жасына себепкер болғанына өкінетінін жазды. Сонымен бірге ол егер жұмақ пен тозақ бар болса, басқа күнәһарлармен тозақ отына күйетінін жеткізген. Хат соңында жігіт өз өліміне ешкімді кінәламауды сұраған. Еске салайық, 30 сәуірде Алматыдағы ҰҚК академиясының курсанты өлі табылды. Қайғылы оқиға Академия жатақханасында болған. ҰҚК баспасөз қызметінің хабарлауынша, курсант өзіне қол жұмсаған. Полиция курсанттың өліміне қатысты Қылмыстық кодекстің 105-бабының 1-бөлігі (өзін-өзі өлтіруге дейін жеткізу) бойынша сотқа дейінгі тергеп-тексеруді бастады.