Марат Әбиев тыйым салынған мұнай өнімдерін жеткізумен айналысқан – БАҚ

Марат Әбиев тыйым салынған мұнай өнімдерін жеткізумен айналысқан, деп хабарлайды Taulik.kz.  Ulysmedia.kz жазуынша, журналист Михаил Козачков TDFA (Болашақ сәулетшілері) жобасының жетекшісі Марат Әбиевтің не күдікке ілінгенін мәлімдеді. Козачков Әбиевтің өткен жылдың соңында қасақана жалған ақпарат таратты деген күдікпен ұсталғанын еске салды. Содан кейін кәсіпкер президент Қасым-Жомарт Тоқаевтың ұлықтау рәсімі күні Астанада митинг ұйымдастырды. Енді оған билік тарапынан «экономикалық сипаттағы» талаптар бар екені белгілі болды. Әбиевке қатысты жаңа қылмыстық іс қозғалды.