Канадада төтенше жағдай жарияланды

Канаданың батысындағы Альберто провинциясының 25 мыңға жуық тұрғыны 100-ден астам орман өртінен қашып, үйлерін тастап кетті, деп хабарлайды taulik.kz  Ulysmedia.kz сайтына сілтеме жасап. Ел билігі мұндай ахуалды бұрын-соңды болмаған дағдарыс деп бағалап отыр. Канаданың батысындағы Альберто провинциясы маңында 6 мамыр күні орман өртінің өршуіне байланысты төтенше жағдай режимі жарияланды. Премьер-министрі Даниэль Смит қолдағы ресурстың барлығы тілсіз жаумен күресуге бағытталуы керектігін мәлімдеді. Үкімет өкілдерінің мәліметінше, 25 мыңға жуық адам үйлерін тастап кетуге мәжбүр болған. Кейбірі қайықпен және тікұшақпен қауіпсіз аймақтарға жеткізілді. Тағы мыңдаған тұрғынға эвакуацияға дайындалу керегі хабарланды.