ШҚО-да сотталғандарды түрмеде азаптап келген

һШығыс Қазақстан облысында полиция пәрмені бойынша сотталғандарды азаптаған, деп хабарлайды taulik.kz Ulysmedia.kz сайтына сілтеме жасап.

“Ағымдағы жылдың ақпан айында Бас Прокурордың наразылығы бойынша Жоғарғы Сот Ішкі істер министрлігінің Шығыс Қазақстан облысы бойынша Қылмыстық-атқару жүйесі мекемесінің жедел уәкілі болып табылатын полиция қызметкері М.-ға қатысты Шығыс Қазақстан облысы облыстық сотының апелляциялық сатысының ақтау үкімінің күшін жойды”, – делінген Бас прокуратура хабарламасында.

Бұған дейін ол жүйелі азаптауды ұйымдастырғаны үшін бірінші сатыдағы сотпен сотталып, үш жыл алты айға бас бостандығынан айырылған. Тергеу барысында Бас прокуратураның арнайы прокурорлары мекемедегі бұрынғы полиция басшылығымен қылмыстық жазасын өтеп жатқан адамдарға азаптау қолданылғаны туралы нақты дәлелдер тапты.

“Атап айтқанда, полиция қызметкері М. өзіне тәуелді жағдайлардағыларға басқа сотталғандарға азаптауды қолдануға нұсқау бергені анықталды. Сотталғандарды жазаны өтеу режимінің бұзылуына жатпайтын бұзушылықтар үшін жазалаған. Мысалы, сотталған адам жеткілікті қырынбағаны үшін немесе мекеме қызметкерлерінің аты мен әкесінің атын ұмытып кеткен жағдайда. Бүкіл азаптау процесі бейнекамераға жазылды”, – деп мәлім етті ведомство.

Қазіргі уақытта бұрынғы полиция қызметкері азаптауды ұйымдастырушы ретінде сотталды.