Мұғалім бейнекамера жоқ жерлерде оқушыларға діни насихат жүргізген

Солтүстік Қазақстан облысының Полиция департаментінің қызметкерлері Петропавлда қалалық мектептердің бірінің мұғалімі миссионерлік қызметпен айналысқанын анықтады, деп хабарлайды Taulik.kz Рolisia.kz-ке сілтеме жасап.

«28 жастағы ер адам бейнекамералар жоқ жерлерде оқушыларға діни жиындар өткізгендігі анықталды. Оқытушыдан діни мазмұндағы әдебиеттер мен дәрістер жазылған дәптер тәркіленді. ҚР Әкімшілік құқықбұзушылық туралы кодекстің 490-бабының 3-бөлігі (»Қазақстан Республикасының діни қызмет және діни бірлестіктер туралы заңнамасын бұзу«) бойынша 50 айлық есептік көрсеткіш (172 500 тг) мөлшерінде айыппұл салуды көздейтін материал жинастырылды», - делінген полиция хабарламасында.