Газа секторын кім басқарады: АҚШ не дейді?

Хамас пен Исламдық жиһадтың қарулы жасақтары қазан айының 7-сі күні Израильдің оңтүстігіне басып кірді. Ең мықты күші Хамастың Нухба жақтастары болды. Басқыншылыққа қатысушылардың жалпы саны 3000 адамды құрады. 

Олар шабуылға 2021 жылдың соңынан басынан бастап дайындалған. Шабуыл өте жақсы жоспарланып, барлау деректерімен мұқият қамтамасыз етілген: шабуылға ұшыраған әскери базалар мен елді мекендердің орналасуы, әскери қызметкерлердің саны және шекаралық аймақтағы негізгі әкімшілік және логистикалық объектілердің орналасқан жері бойынша қауіпсіздік – бәрі-бәрі қамтылған. Шабуылға дайындалу үшін ХАМАС 10 миллион долларға жуық қаражат жұмсады.

2021 жылдың желтоқсанында 3,5 жыл жұмыс істегеннен кейін (шамамен 1,85 миллиард доллар жұмсалған) пайдалануға берілген Газа секторындағы 65 км шекара бойындағы биіктігі 6 м болатын Израильдің жоғары технологиялық тосқауыл желісі мүлдем тиімсіз болып шықты; барлау қызметтерінде алдағы басып алу туралы алдын ала біржақты ақпарат болмаған. Соған сәйкес, соғыстың бірінші күні Израильдің мемлекеттік аппараты, соның ішінде әскер қолбасшылығы қабілетсіздігін көрсетті.

Израильдегі әскери операциялар 10 қазанға дейін жалғасты. Олар Израиль аумағындағы 1550 содырдың көзін жойып, 200 Нухба содырын тұтқынға алды.

Қазан айының 7-8-і күндері 1080 бейбіт тұрғын (оның 100-ге жуығы шетел азаматы), 301 әскери қызметкер, 55 полиция қызметкері, «Шин Бет» жалпы қауіпсіздік қызметінің 11 қызметкері қаза тапты.

246 адам (оның 35-і кәмелетке толмаған) тұтқынға алынып, Газа секторына жеткізілді (Хамас төртеуін 20-22 қазанда босатқан, 29 қазанда Израильдің арнайы операциясы нәтижесінде кепілге алынған тағы бір адам босатылған). Ұсталғандардың шамамен 140-ы шетел азаматы (көбі Тайланд азаматтары), оның 25-і қос төлқұжаттың иесі.

Қазан айының 8-і күні Ливан мен Израиль шекарасында шектеулі әскери операциялар басталды. Қарашаның 4-і күнгі мәлімет бойынша, «Хезболла» құрбандарының саны 57 адамға жеткен. ХАМАС, Исламдық жиһадтың ливандық бөлімшелері және Хизболла жағында соғысып жатқан ирактық шиит жасақтарынан 10 адам, Израиль жағында солтүстік майданда 11 адам қаза тапқан.

Израиль үкіметі қазан айының 10-ы күні резервтегі 360 000 адамды жұмылдыру жоспарын бекітті. Нәтижесінде қарулы күштердің жалпы саны шамамен 510 000 адамды құрады.

7-18 қазан аралығында 205 000 Израиль азаматы шетелден отанына оралды, олардың көбі қосымша жасақ қызметінде. 

19 қазанда Йемендік хуситтер Ансар Аллах әскери-саяси ұйымы соғыс қимылдарына кірісті: Қызыл теңіздегі Израильдің Эйлат портына (қашықтық шамамен 1600 км) зымырандар мен ұшқышсыз ұшақтар арқылы шабуылдады.

8 қазанда Израиль Газа секторының әскери, әкімшілік және логистикалық инфрақұрылымын әуеден және теңізден жаппай атқылай бастады. 

27 қазанда Израильдің жердегі операциясы басталды. Бұл 2002 жылдан бері Израиль армиясының құрлықтағы алғашқы кең ауқымды операциясы (бұрынғысы Батыс жағалауда жүргізілген). 3 қарашада Газа қаласын қоршау аяқталды. 8 қазан мен 4 қараша аралығында Газа секторында қаза тапқан палестиналықтардың саны, палестиналық дереккөздерге сәйкес, шамамен 9500 адам, оның ішінде ХАМАС-тың жоғары лауазымды 10 қолбасшысы бар. Соғыс қимылдары нәтижесінде 3 қарашадағы жағдай бойынша Израильдің 29 сарбазы қаза тапты.

7 қазан мен 4 қараша аралығында Газа секторы мен Ливаннан Израильге 8500-ден астам зымыран мен миномет атылды.

Ал кеше Израиль әскері Газаны толық қоршауға алып, оны оңтүстік және солтүстікке бөлу үдерісін тәмамдағанын мәлімдеді. 

 

Сонымен қатар, кеше АҚШ Мемлекеттік хатшысы Антони Блинкен Палестина президенті Махмуд Аббаспен кездесті. Кездесу барысында Газа секторында соғыс аяқталғаннан кейін оны Палестинаға өткізіп беру мәселесі де сөз болды. Махмуд Аббас та Газа секторын бақылауға алуға дайын екенін, бірақ ол үшін соғыс тоқтатылуға тиіс екенін мәлімдеді.