Павел Дуров Францияда ұсталды
Телеграм негізін қалаушы қамауға алынды.
Францияның Ле Бурже әуежайында сенбі күні кешкі сағат сегіздер шамасында жеке ұшағынан түскен Павел Дуров тұтқындалды. Оны GTA жандармдары ұстады. Дуров FPR (іздеуде жүрген адамдар тізімі) базасында тіркелген болатын және ол жақында ғана Әзербайжаннан келген еді. Оған қатысты Францияның Ұлттық қылмыстық іздестіру департаментінің OFMIN бөлімшесі алдын ала тергеу жұмыстарының нәтижесінде іздеу ордерін шығарған болатын.
Соттың пікірі бойынша, Telegram-ның модерация жүргізбеуі, құқық қорғау органдарымен ынтымақтаспау және бір реттік нөмірлер мен криптовалюталар сияқты құралдарды ұсынуы Дуровты есірткі саудасы, педофилияға байланысты қылмыстар және алаяқтық іс-әрекеттерге қатысы бар деп есептеуге негіз болған.
Ордер Франция аумағында Павел Дуров пайда болған жағдайда әрекет етуге жарамды еді. "Бүгін кешке ол қателік жасады. Біз неге екенін білмейміз... Қалай болғанда да, қазір ол қамауда!" — деп тергеу жұмыстарына жақын дереккөз TF1/LCI агенттігіне хабарлады.