Бүгін Талғар қаласының жаңа әкімі тағайындалады
Бүгін, 15 желтоқсан күні Талғар қаласында жаңа әкімді сайлау өтуде, деп хабарлайды Taulik.kz.
Аумақтық сайлау комиссиясының мәліметінше, сайлау таңғы сағат 7.00-ден кешкі 20.00-ге дейін 26 сайлау учаскесінде өтеді. Жалпы, Талғар қаласында дауыс беруге құқылы 42 774 сайлаушы тіркелген.
Қаланың жаңа әкімі лауазымына үш үміткер тіркелді:
Арыстанбек Әбілқайырұлы
- Жасы: 41
- Партия: Amanat
- Лауазымы: "Талғар Тұрғын үй" ЖШС басшысы
Кәденов Жәнібек Жанболатұлы
- Жасы: 33
- Партия: Халық партиясы
- Лауазымы: Талғар ауданы әкімінің аппаратының қаржы-шаруашылық бөлімінің бас маманы
Рамазанов Әлібек Ғайсаұлы
- Жасы: 42
- Өзін-өзі ұсынған кандидат
- Лауазымы: Бесағаш ауылдық округі әкімінің аппаратының жетекшісі, Талғар ауданы әкімінің орынбасары
Талғардың бұрынғы әкімі Бақыт Күрішбеков қазан айында қызметінен босатылған еді. Оның отставкасы кәмелетке толмаған Шерзат Полаттың қайғылы өліміне байланысты қабылданды.