Баян Мақсатқызының құдағиы лауазымды қызметке тағайындалды (фото)
Баян Мақсатқызының құдағиы бүгін лауазымды қызметке тағайындалып, көпшілікті таңғалдырды.
Диляра Қайдарова С.Д. Асфендияров атындағы Қазақ ұлттық медицина университетінің бірінші проректоры болып тағайындалды, деп хабарлайды Taulik.kz.
Диляра Радикқызының бұл лауазымға тағайындалуы ҚазҰМУ-дың директорлар кеңесінің шешімімен жүзеге асты. Бұл туралы университет ректоры Марат Шоранов кеңесшілер, проректорлар және құрылымдық бөлімшелер жетекшілері қатысқан жиналыс барысында мәлімдеді.
Айта кетейік, Диляра Қайдарова 2016 жылдан 2025 жылдың қаңтарына дейін онкология институтының директоры қызметін атқарған. Оған дейін, 2006-2016 жылдары Алматы онкология орталығында басшылық қызметте болды. Оның еңбек жолы 1992 жылы Алматы онкологиялық диспансерінің гинекологиялық бөлімшесінде дәрігер-онколог ретінде басталған.
Сондай-ақ, Диляра Қайдарова белгілі продюсер Баян Мақсатқызының құдағиы, Айсәуле Бақытбектің енесі екенін де атап өтуге болады.