Қазақстанда жылдық 5–6% мөлшерлемемен ипотека рәсімдеп, бастапқы жарна ретінде тек 10% төлеуге болады. Мұндай жеңілдетілген ипотекалық бағдарламалар жыл бойы тұрақты түрде қолжетімді емес — өтінім қабылдау туралы әкімдіктер алдын ала хабарлайды, және әр аймақтың талаптары әртүрлі болуы мүмкін.

Қандай ипотекалық бағдарламалар бар және кімдер баспананы жеңілдікпен ала алады — осы сұрақтар бойынша толық ақпарат:

1. Елорда жастары

Шарттары:

• Жылдық мөлшерлеме: 5%
• Бастапқы жарна: тұрғын үй құнының 10%-нан бастап
• Максималды несие сомасы: 18 млн теңге
• Қарыз өтеу мерзімі: 19 жыл
• Қатысу қаласы: Астана

Кімдер қатыса алады:

• 35 жасқа дейінгі жастар;
• Білім беру, денсаулық сақтау, мәдениет, спорт, әлеуметтік сала, ғылым, БАҚ, өндіріс және басқа маңызды салаларда жұмыс істейтін мамандар.

Талаптар:

• Отбасы банкінде бастапқы жарна көлемінде жинақ шоты болуы керек (кемінде 1,8 млн теңге).
• Соңғы алты айдағы отбасы табысы бір адамға шаққанда 277,3 мың теңгеден аспауы керек.

Өтінім беру: Астана әкімдігі мен Отбасы банкі арқылы арнайы платформада қабылданады.

2. Алматы жастары

Шарттары:

• Жылдық мөлшерлеме: 5%-дан бастап
• Бастапқы жарна: 10%-дан бастап
• Максималды несие сомасы: 20 млн теңге
• Қарыз өтеу мерзімі: 19 жыл
• Қатысу қаласы: Алматы

Кімдер қатыса алады:

• 18–35 жас аралығындағы Алматыда ресми жұмыс істейтін жастар.
• Білім, денсаулық сақтау, мәдениет, спорт, ғылым, БАҚ, ТКШ, мемлекеттік қызмет және өмірді қамтамасыз ету салаларында еңбек ететіндер.

3. Qamqor (Шымкент)

Шарттары:

• Жылдық мөлшерлеме: 6%
• Бастапқы жарна: 10%-дан бастап
• Максималды несие сомасы: 20 млн теңге
• Қарыз өтеу мерзімі: 19 жыл

Кімдер қатыса алады:

• Шымкент қаласында тұрақты тіркеуде тұрған 63 жасқа дейінгі тұрғындар.
• Білім, денсаулық сақтау, мәдениет, спорт, энергетика және БАҚ саласында жұмыс істейтіндер.

4. Алатау жастары (Алматы облысы)

Шарттары:

• Жылдық мөлшерлеме: 6%
• Бастапқы жарна: 10%-дан бастап
• Максималды несие сомасы: 18 млн теңге
• Қарыз өтеу мерзімі: 19 жыл

Кімдер қатыса алады:

• 18–35 жас аралығындағы Алматы облысында кемінде бір жыл жұмыс істеген жастар.

5. Маңғыстау жастары

Шарттары:

• Жылдық мөлшерлеме: 6%
• Бастапқы жарна: 10%-дан бастап
• Максималды несие сомасы: Ақтауда — 15 млн теңге, басқа аудандарда — 10 млн теңге
• Қарыз өтеу мерзімі: 19 жыл

Кімдер қатыса алады:

Маңғыстау облысында кемінде екі жыл тұрақты тіркеуде тұрған 18–35 жас аралығындағы мамандар.

Басқа аймақтық бағдарламалар:

• Атырау: Атырау қала жастары, Атырау аудан жастары
• Батыс Қазақстан облысы: Жайық жастары
• Абай облысы: Абай жастары
• Қызылорда облысы: Сыр жастары
• Қостанай облысы: Костанай жастары
• Жамбыл облысы: Әулиеата жастары
• Ұлытау облысы: Ulytau zhastary
• Қарағанды облысы: Қарағанды жастары
• Ақтөбе облысы: Актобе жастары
• Жетісу облысы: Жетісу жастары, Жерұйық
• Солтүстік Қазақстан облысы: Қызылжар жастары

Барлық бағдарламаларда негізгі талаптар ұқсас:

• 18–35 жас аралығында болу;
• Соңғы бес жыл ішінде меншік құқығындағы баспанасының болмауы;
• Аймақтағы тұрақты тіркеу және ресми еңбек өтілі.

Ескерту:
Мәтін Informburo.kz сайтынан алынған. Толық ақпарат пен жаңартылған шарттар үшін тиісті әкімдіктер мен Отбасы банктің ресми ресурстарына жүгінуді ұсынамыз.