Қытайдың Сунъюань қаласында ерекше оқиға болды: 63 жастағы әйел өміріндегі ауыр қайғыдан кейін қайтадан ана атанды.
Белгілі болғандай, бұл шешімге оның жеке трагедиясы себеп болған. Әйелдің 35 жастағы ұлы онкологиялық дерттен қайтыс болған. Ол отбасы құрып, артында ұрпақ қалдырып үлгермеген. Бұл қайғы ана үшін үлкен соққы болып, өміріне түбегейлі өзгеріс әкелген.
Дәрігерлер егде жаста жүктіліктің қауіпті екенін бірнеше рет ескерткеніне қарамастан, әйел өз шешімінен бас тартпаған. Ол экстракорпоралдық ұрықтандыру (ЭКО) әдісіне жүгініп, жүкті болған.
Тоғыз айдан кейін босану сәтті өтіп, дүниеге қыз бала келген. Мамандардың айтуынша, ана мен сәбидің жағдайы жақсы. Тіпті дәрігерлер оның босануды көптеген жас әйелдерге қарағанда жеңіл өткергенін атап өткен.
Әйел журналистерге берген сұхбатында бұл қадамға ұлын жоғалтқаннан кейінгі ауыр сезім итермелегенін айтты. Егер ұлының балалары болғанда, мұндай шешім қабылдамас едім дейді.
"Мен тек баламның өмірге қайта оралғанын қаладым", – деп бөлісті ол.