Алматы облысында 2030 жылға дейін жалпы құны 7 трлн теңгеден асатын 300 инвестициялық жобадан тұратын пул қалыптастырылды, деп хабарлайды Taulik.kz.
Алматы - Қонаев тас жолының бойында А+ классты логистикалық кешен салу басталды.
Кешеннің ауданы - 125 мың шаршы метр. Құны 125 млн доллардан астам.
Бірінші кезек 2027 жылдың күзінде пайдалануға беріледі. Кешен шамамен 1,5 мың жұмыс орнын ашады.
Сонымен қатар облыс прокурорлары жыл басынан бері инвесторлардың құқығын 50 өтініш бойынша қорғады. Жалпы сомасы 1,5 трлн теңгеден асады.
«Алатау Сити» арнайы экономикалық аймағының инвестициялық портфеліне 67 жоба кіреді. Олардың жалпы құны - 7 млрд доллар. Жобалар 55 мыңға дейін жұмыс орнын ашады.