19 ақпанда RSC Energia-да «Союз МС-23» ұшқышсыз ғарыш кемесінің Халықаралық ғарыш станциясына ұшырылуына арналған бас конструкторлар кеңесі өтті, деп хабарлайды taulik.kz сайты «Роскосмос»-қа сілтеме жасап.
ХҒС құрамына кіретін ресейлік кемелерге екі рет зақым келгендіктен, ұшыру кейінге шегерілген.Роскосмос комиссиясы алдағы ұшырылатын ғарыш кемесінде төтенше жағдайдың болмауы үшін барлық тексеру жұмыстарын жүргізді.
«11 ақпанда ХҒС-те орын алған «Прогресс МС-21» жүк кемесі жылуды басқару жүйесіндегі қысымды төмендеткеннен кейін Роскосмос кәсіпорындарының мамандары алынған телеметриялық ақпарат пен кеменің сыртқы бетінің суреттерін мұқият талдады. Сондай-ақ Байқоңыр қаласының 254-ші учаскесінде орналасқан «Союз МС-23» ғарыш кемесінің радиаторын егжей-тегжейлі тексеріп, жарамды екендігін анықтады», – деп хабарлайды Роскосмос баспасөз қызметі.
Айта кетерлігі, бас конструкторлар кеңесі мемлекеттік комиссияға 24 ақпанда Мәскеу уақытымен сағат 03:34-те Байқоңырдан «Союз-2.1а» зымыран тасығышымен «Союз МС-23» ғарыш кемесін ұшыруды жоспарлауды ұсынды.
