Гүлмира Сатыбалды мемлекетке 3,9 миллиард теңгеден аса шығын келтірілген

Сыбайлас жемқорлыққа қарсы қызмет Гүлмира Сатыбалдыға қатысты тергеу барысы туралы айтып берді, деп хабарлайды Taulik.kz сайты.

«Сыбайлас жемқорлыққа қарсы қызмет Гүлмира Сатыбалдыға, оның бақылауындағы «Ария-Жаңа Астана» ЖШС компаниясының басшылығына және мемлекеттік органдардың лауазымды тұлғаларына қатысты нысандарды салуға бөлінген бюджет қаражатын жымқыру дерегі бойынша тергеуді жалғастырып жатыр. Бірнеше нысан бойынша іс жүзінде орындалмаған құрылыс-монтаждау жұмыстарына ақы төлеу нәтижесінде мемлекетке жалпы сомасы 3,9 милиард теңгеге аса ірі мөлшерде залал келтірілді. Тергеу сатысында қабылданған шаралар бойынша, мемлекетке келтірілген залал толық өтелді», - делінген хабарламада.

Ведомство мәліметінше, жәбірленушілерге келтірілген залалдың алдын ала сомасы 6,6 милиард теңгеден асады. Күдікті адамдар күзетпен ұсталған, тергеу жалғасып жатыр.

Taulik.kz