Әзербайжан-Армения арасындағы қақтығысты саяси-дипломатиялық жолдармен шешу қажет - ТОҚАЕВ

Қазақстан Президенті Қасым-Жомарт Тоқаев ҰҚШҰ Ұжымдық қауіпсіздік кеңесінің кезектен тыс сессиясына қатысты. Бұл туралы Ақорданың баспасөз қызметі хабарлады. Армения Республикасының ұсынысымен өткен отырыс бейнебайланыс режимінде өтті. Сонымен қатар саммитке Қырғызстан президенті Садыр Жапаров, Ресей президенті Владимир Путин, Тәжікстан премьер-министрі Кохир Расулзода, Армения премьер-министрі Никол Пашинян, Беларусь Қауіпсіздік Кеңесінің мемлекеттік хатшысы Александр Вольфович, ҰҚШҰ Бас хатшысының орынбасары Валерий Семериков қатысты. Мемлекеттер басшылары әзербайжан-армян мемлекеттік шекарасында болған оқиғаларға қатысты Армения Премьер-министрінің мәліметін тыңдады. Қазақстан Президенті сессияға қатысушылар алдында сөйлеген сөзінде қақтығысты тек саяси-дипломатиялық жолдармен шешу қажет екенін атап өтті.

Taulik.kz