Алматыда сотталғандар футболдан кәсіби спортшыларды жеңіп кетті

Алматы облысы және Жетісу облысы бойынша ҚАЖД-ға қарасты №14 мекемесінің сотталушылары футбол алаңында кәсіби спортшылармен кездесті, – деп хабарлайды Taulik.kz Polisia.kz сайтына сілтеме жасап.  Алматы облысы және Жетісу облысы бойынша ҚАЖ департаменті Заречный кентіндегі №14 мекемесіндегі сотталғандармен кәсіби спортшылардың шағын футболдан турнир ұйымдастырды. Іс-шараның негізгі мақсаты – бас бостандығынан айыру орындарында жағымды моральдық-психологиялық ахуалды қалыптастыру және қолдау, салауатты өмір салтын насихаттау және сотталғандардың күнделікті тұрмысын жақсарту. Сотталғандармен ойнау үшін мини-футболдан турнирге Алматы облысы Маслихатының депутаты, грэпплингтен Азия чемпионы, ҚР спорт шебері, “Sagadat batyr – QTT” спорт клубының жетекшісі – Нұрсұлтан Орынбасаров, боксшы, IBA нұсқасы бойынша әлем чемпионы, WBS Asia, WBA Asia және UBO Inter-Continental нұсқалары бойынша Азия чемпионы – Еділ Қожамбердиев, грэпплинг пен джиу-джитсудан әлем чемпионы, ҚР халықаралық деңгейдегі спорт шебері – Самат Айтпанбет және “Sagadat batyr – QTT” клубының спортшылары мен жаттықтырушылары, халықаралық жарыстардың чемпиондары – Диас Қанайбеков, Елжан Жұмаділ, Мақсат Мұратұлы, Нұртуған Бекмұрат. Турнирде Алматы облысы Іле ауданы футбол федерациясының өкілі Ерлан Ысқақов төрешілік етті.

– Сотталғандар футболды өте жақсы ойнайды. Біз үшін олардың спортпен шұғылдануы, өмірдегі маңыздылығын сезінуі аса құнды. Қазір оларға қиын, бірақ біз оларды ешқашан берілмеуге, өздерімен күресуге және дамуға шақырамыз. Өзін-өзі бағалау сезімі – толыққанды сезінудің маңызды шарты. Оларға қазір мотивация жетіспейді. Мұндай іс-шаралар олар үшін үлкен мереке. Барлық балаларға тезірек босатылып шығуларын тілейміз, – деді Нұрсұлтан Орынбасаров.

Алматы облысы мен Жетісу облысының ҚАЖ қызметкерлері сотталғандардың бос уақытын барынша әртараптандыруға және олардың энергиясын оң арнаға бағыттауға тырысады.

– Осындай кездесулер сотталғандардың тәрбие үрдісінде, дұрыс өмірлік басымдықтарды қалыптастыруда мотивациялық факторға айналады, босатылуға және әрі қарай заңды сақтап өмір сүрулеріне көмектеседі. Салауатты өмір салтын насихаттайтын спортшылардың арқасында сотталғандар әлеуметтік бейімделуде оң эмоциялар алып, ынталандыру бағыттарынан өтті, – деп атап өтті ҚАЖД бастығы Игілік Хасенов.

Ойын қызықты болды. Жазасын өтеуші сотталғандар жеңіс орнын жеңіп алу құқығын барлық даңқымен көрсетті. Спорт алаңында барлығы барынша күш салуға тырысты. Ойын қорытындысы бойынша бірінші және екінші орындарды сотталғандар командасы иеленсе, үшінші орынды спортшылар командасы иеленді. Ойыннан кейін қатысушылар мен жеңімпаздарға салтанатты түрде дипломдар, медальдар мен сыйлықтар табыс етілді. Мекеме әкімшілігі өз кезегінде спортшыларға алғыс білдіріп, оларға ҚАЖ департаменті бастығының сыйлықтары мен грамоталарын табыс етті.

– Мен өмірімде бокстан әлем чемпионы Еділ Қожамбердиевпен және депутатпен футбол ойнаймын деп ойлай да алмадым. Осындай іс-шараларды ұйымдастырғаны үшін ҚАЖ қызметкерлеріне алғыс айтамыз, – деп бөлісті турнирде бірінші орын алған сотталған.

Спорттық-бұқаралық іс-шараларға қатысуды және олардың жетістіктерін мекеме әкімшілігі сотталғанның пайдасына мерзімінен бұрын босату туралы шешім шығарған кезде ескеретін болады.

Taulik.kz