Ресейлік төлқұжатты көрсет те, тегін кофе ал: Астанада акция ұйымдастырылды

Елордада фаст-фуд мейрамханалар желісі ресейліктерге арнап акция ұйымдастырды, деп хабарлайды Taulik.kz Stan.kz сайтына сілтеме жасап.    Желіде тараған ақпараттарға сәйкес мейрамхана желілерінде қағаздарға арнайы жазулар жазылған.

 "Ресейлік төлқұжатты көрсет те, тегін кофе ал", - деп жазылған мұнда.

  Желі қолданушылары бұл әрекетті қызу талқылады. Бірі “мен енді бұл орынға бармаймын” десе, бірі “Олардың ақшасы жоқ дейсіңдер ме” деп өкпесін айтты. Енді біреулері “Тегін кофемен бірге, тегін әскери шақырту да таратылсын” деп пікірлерін жеткізді.

Taulik.kz