Ұлытауда кәсіпкер көлігінің ішінде тірідей жанып кетті

Ұлытау облысында полицейлер Сәтбаев қаласының шетінде болған жол апаты оқиғасын анықтауда, деп хабарлайды Taulik.kz.  КТК арнасының мәліметінше, «Мерседес» көлігі жүйткіген күйі қаланың атауы жазылған аркаға соғылып, жүргізушісі жан тапсырған. Қалыңдығы бірнеше метр арканы көтеріп тұрған қабырғаға жеңіл көлік жоғары жылдамдықпен келіп соғылған. Бірден лап етіп отқа оранған. Рульде 58 жастағы кәсіпкерлікпен айналысатын Жезқазған тұрғыны болған. Қатты соққыдан есінен танып қалған оны қызыл жалыннан ешкім алып шыға алмады. Қазір жүргізушінің не себепті тізгінге ие бола алмай қалғаны анықталып жатыр. Өртенген көлік техникалық сараптамаға жіберілген.

«Мерседес» автокөлігінің жүргізушісі көліктің руліне ие бола алмай, қала атауы жазылған аркаға соғылған. Жол апаты кезінде көлік өртеніп, жүргізуші оқиға орнында қаза тапты. Полиция тиісті сараптама тағайындап, тергеу жүргізіп жатыр», – деді Ұлытау облысы ПД баспасөз хатшысы Аңсаған Тоқбергенов.

Taulik.kz