«Соғыстың не екенін білмейсіздер»: кішкентай украин қыздың күнделігін 18 мемлекет жариялады

Кішкентай қыздың күнделігі үшін баспалар арасында күрес болды, деп хабарлайды Taulik.kz сайты. «Сіздер соғыстың не екенін білмейсіздер» деген атаумен Харьковтан келген 12 жасар Ева Скалецкаяның күнделігін ағылшын баспасы жариялады. Онда қыз өзінің эмоцияларын, Ресейдің бомбалауы кезіндегі күлі көкке ұшқан пәтерді, шетелге шыққан адамдарға не болып жатқанын сипаттайды. TСН сюжетінде айтылғандай, қазір Еваның кітабын украиналық Unian басылымы жариялады. Сонымен қатар ол британиялық кітап дүкендерінде сатылып жатыр. Ал аудио нұсқасын актриса Кира Найтли дыбыстаған. Әлемдік БАҚ-тың барлығы дерлік күнделігі туралы жазып жатқан қыз қазір Ирландияда тұрады. Бірақ ол бәріне 24 ақпан және сүйікті Харьковы туралы айтты. Ресей Федерациясының ашық шабуылы басталғаннан бір аптадан кейін Еваның пәтеріне Ресей тарапы тастаған бомба түседі. Ол қазір әжесі Ирина Скалецкаяның қарауында, әкесі Ресейде, ал анасы Түркияда. Жертөлеге алғашқы түскен күннен бастап Ева күнделік жүргізе бастайды. Әжесі Харьковта бір апта өмір сүргенін, содан кейін Днепрге барғанын, сосын Ужгородқа барғанын айтты. Британиялық журналистер Украинаның батысындағы босқындар орталығына келгенде, ол өзінің күнделігі туралы айтады. БАҚ өкілдері қызға әжесімен бірге Ирландияға баруды ұсынады. Еваның күнделігі үшін баспалар арасында күрес болады. «Гарри Поттерді» жариялаушы жеңіске жетті. Күнделіктің аудио нұсқасын Кира Найтли дыбыстайды. Актриса бұл қызбен таныс емес екенін, алайда бұл күнделікті дыбыстау өзі үшін үлкен мәртебе екенін айтады. Қазір Еваға әртүрлі елдерде кітап шығару туралы 18 келісімшарт ұсынылды. Оның күнделігі жуырда украин тілінде жарыққа шығады.