Жастардың көбі үміті үзілгесін елден кетеді

Елден кеткен жастардың көбі болашаққа деген сенімі түгесіліп, үміті үзілгендіктен солай істеді. Бұл үлкен – проблема. Белгілі қоғам белсендісі, саясаттанушы Данат Жумин осылай деп пікір білдірді. Саясаттанушы бұл пікірін Есен Елеукеннің "Yesti Podcast" жобасында айтып берді.

«Бұл жерде көп себеп бар. Бірі ол жақта жақсы өмір бар деп ойлайды, енді бірі бұл жерде өзін көрсете алмағаны себепті дейді. Дегенмен көпшілігі «Біздің елдің болашағында енді жақсы нәрселер болмайды» деп есептегендіктен кетіп жатыр. Яғни қазір ахуал шамалы болғанмен, ертең жақсы болады деген оптимизмнің жоғалуы. Бұл ең басты себеп деп ойлаймын. Ол – үлкен проблема. Біздің міндет – сол жоғалған үміт пен таусылған сенімді қалпына келтіру», - дейді Данат Жумин.