Енді ел конституциясына хиджаб кию құқығы толық бекітіле ме?

Түркия президенті Режеп Тайып Ердоған, егер парламент Конституцияға тиісті түзетулер қабылдамаған жағдайда, елде әйелдердің хиджаб кию мәселесі бойынша референдум өткізуді жоққа шығармады, деп хабарлайды Taulik.kz Azattyq Ruhy сайтына сілтеме жасап.  Ол Конституцияға тиісті түзетулер пакеті дайындалғанын атап өтті. Қажет болған жағдайда құжатты талқылағаннан кейін ұсыныстар пысықталуы мүмкін. Осыдан кейін жоба Парламентке жіберіледі.

«Конституцияға түзету енгізу туралы ұсыныс кең консенсуспен жүзеге асырылады деп үміттенеміз. Егер бұл келісімге қол жеткізілмесе, біз басқа қадамдар жасауға дайынбыз, соның ішінде плебисцит», - деп келтіреді оның сөзін Йени Шафак басылымы.

Ел Конституциясында әйелдердің хиджаб кию құқығын бекіту туралы мәселені жалпыұлттық референдумға шығару мүмкіндігін қарастыру туралы Ердоған 22 қазанда хабарлаған болатын. Бастапқыда мұндай идеяны негізгі оппозициялық Халықтық-республикалық партияның (ҰКП) жетекшісі Кемал Кылычдароғлу ұсынды, ол тиісті заң жобасын Парламенттің қарауына енгізуді ұсынған еді.

Taulik.kz