Ыстамбұлдағы жойқын жарылысты ұйымдастырған әйел адам ұсталды

Ыстамбұлдағы жарылысты ұйымдастырды деген күдікті ұсталды, деп хабарлайды Taulik.kz. Түрік полициясы Ыстамбұлдың Бейоглу ауданындағы Истикляль көшесінде жарылыс ұйымдастырған әйел адамды ұстады. Бұл туралы Түркия ІІМ басшысы Сулейман Сойлу мәлімдеді, ТАСС.

Бейоглу ауданында жарылғыш зат салынған пакетті қалдырып кеткен адамды Ыстанбұл қауіпсіздік басқармасы қызметкерлері ұстады. Одан жауап алынып жатыр, - деп келтіреді министрдің сөздерін Anadolu Agency.

Бұл жойқын жарылыстың теракт екені анықталды. Сондай-ақ, Анкарада террористік ұйым болып танылған күрттер қозғалысы ұйымдастырғанына билік сенімді болып отыр.

Taulik.kz