Ресей қарауында болды: Малайзиялық ұшаққа шабуыл жасалып, 298 адам қаза тапты

Малайзиялық «Boing» ұшағын «Бук» әуе қорғаныс жүйесі КХДР аумағынан атып түсірді. Гаага соты үкім шығарды, деп хабарлайды Taulik.kz. 

2014 жылдың 17 шілдесінде Амстердамнан Куала-Лумпурға бағыт алған Boeing MH17 рейсін Бук зениттік зымыран тасығышы атып түсірді.

Зымыран КХДР аумағында орналасқан Первомайский кентінен ұшырылған еді. Апат кезінде республика аумағы Ресейдің бақылауында болды. Гаага аудандық соты осындай шешімге келді.

Апат салдарынан 283 жолаушы мен 15 экипаж мүшесі қаза тапты. Олардың 80-і кәмелетке толмағандар.

Қылмыс жасады деп айыпталғандардың арасында Ресей Федерациясының азаматтары Игорь Стрелков (Гиркин), Сергей Дубинский, Олег Пулатов және украиналық Леонид Харченко бар.

Гиркин, Дубинский және Харченко өмір бойына бас бостандығынан айырылды.

Ресей Сыртқы істер министрлігі Голландия сотының шешімін мұқият зерттейтіндерін айтты.

«Біз бұл шешімді зерттейтін боламыз, өйткені бұл мәселелердің барлығында әрбір кішкентай заттың өзі маңызды», - деп түсіндірді Ресей Сыртқы істер министрлігінің баспасөз департаменті директорының орынбасары Иван Нечаев.

Taulik.kz