Алматыда оқушыларға Путинді дәріптейтін фильм көрсетілген бе?

Алматыда оқушыларға Путинді дәріптейтін фильм көрсетілген. Бұл туралы Dalainside телеграм каналы мәлімдеді.  7 желтоқсанда Алматыдағы "Цезарь" кинотеатрында оқушыларға "Россия. Нам 30 лет" атты деректі фильм көрсетілді. Фильм кейіпкерлері Ресейдің Қырымды аннексиялағанын қуаттап, қолдайды. Ал Алматы қаласының білім басқармасы "№ 132 гимназия оқушыларына аталған фильмді көрсетуге басқарма рұқсат берген жоқ" деп мәлімдеді.

"Жоғарыда айтылған жайттарға байланысты № 132 гимназия директоры К.А. Әбдіманаповаға өз міндетін дұрыс атқармағаны үшін тәртіптік айыппұл салынады, яғни беріледі..." деді Алматы қаласының білім басқармасы өкілдері.

Білім басқармасындағы шенеуніктердің айтуынша, Алматыда № 132 гимназияның 8б және 8в сынып оқушыларына Ресей туралы фильм көрсетілген. Олардың сөзінше, Ресейдің Алматыдағы бас консулдығы және "Россотрудничество" агенттігінің Қазақстандағы өкілдігі оларға тағы екі фильмнің көрсетіліміне қатысуды ұсынған. Бірінші фильм – "Россия. Нам 30 лет", екіншісі - "Земля больших кошек" деп аталады. Екіншісі Ресей мен Қытай аумағында барыстар популяциясын қалпына келтіру жөнінде баяндайды.

Taulik.kz