Ресей Бучадағы киіз үйге Қазақстанның қатысы жоқ екенін айтты

Ресей Қазақстанның Украинаның Буча қаласындағы киіз үй – әдеттен тыс жылыту пунктін орнатуға еш қатысы жоқ екенінн мәлімдеді. Бұл туралы Ресей СІМ сайтындағы хабарламада айтылған. "Интернетте пайда болған хабарламаларға Қазақстанның ресми өкілдерінің назарын аудардық. Кейбір бұқаралық ақпарат құралдарында тараған ақпарат шындыққа жанаспайды және Қазақстан билігі бұған еш қатысы жоқ дегенге бізді сендірді. Ресей тарапында жақын серіктестерге сенбеуге негіз жоқ. Сонымен қатар, Ресей-Қазақстан стратегиялық серіктестігі мен одағына нұқсан келтіру мақсатында бұл тақырыпты одан әрі «тартпас» үшін достарымыздың бұл жорамалдарға нүкте қоятын ресми түсініктемесі өте құптарлық. Буча қалалық кеңесінің сайтында қалада «бұзылмайтын киіз үй» «Қазақстан Республикасының Украинадағы Елшілігінің және Украина Халық депутаты, Украинамен парламентаралық байланыстар жөніндегі депутаттық топ төрағасының қолдауының арқасында пайда болды» делінген. Буча билігі қазақ халқына, кәсіпкерлерге бұл көмек үшін алғыс айтты. Қазақстан Украинадағы қақтығысты бейбіт жолмен реттеу қажеттігі туралы бірнеше рет мәлімдеме жасады. Астана Киевке әскери көмек көрсетпей, гуманитарлық көмек жіберді. Наурыздың басында Қазақстан үкіметі Украинаның өтінішіне жауап ретінде оған салмағы 82 тонна және құны 2,2 миллион доллардан асатын «25 түрлі дәрі-дәрмек» партиясын жіберетінін хабарлады. Желтоқсан айының соңында Украина Денсаулық сақтау министрлігі «бауырлас Қазақстан халқынан» медициналық мекемелерге 41 генератор алғанын хабарлады. Агенттік олардың Нагорняк төрағалық ететін парламентаралық топтың жұмысының арқасында жеткізілгенін атап өтті.