Қызылордада үш баланың анасының өлімі: туыстары полицейлерді жазалауды талап етті

Қызылордада үш баланың анасын өліміне туыстары тек әйелдің күйеуін ғана емес, қылмысқа жасауапты 15 полицейді де жазалауды талап етіп отыр, - деп хабарлайды Taulik.kz Liter-ге сілтеме жасап. Кісі өлтіру оқиғасы 3 қыркүйекте Қызылорда қаласының орталығында Өсербаев көшесінің бойында болған. Ажар Шадиева туған күнін караоке клубында атап өткен. Ерлі-зайыптылар арасында жанжал туындап, ер адам әйелін ұрып-соға бастаған, кейін көшеге алып шығып тағы ұрған. Куәгерлердің айтуынша, ер адам әйелін арматурамен ұрып, пышақтап кеткен. Оқиғаның куәгерлері, полиция бекіністері көшенің өзінде орналасқанына қарамастан, оған ешкім көмектеспеген. Адвокаты Саида Сүлейменованың айтуынша, қоңырауға келген полицейлер күйеуі екеуін көлікке отырғызып, үйіне шығарып салған. 10 қаңтарда әйелдің туыстары Астанада баспасөз мәслихатын өткізіп, оқиғаның мән-жайын айтты. Соққыдан кейін ер адам Ажарды ағасының пәтеріне алып келген. Сүлейменованың айтуынша, олар әйелдің жарасын жуған. Кейін ол жерге марқұмның әпкесі де келген. Күйеуі әйелінің ұйықтап жатқанын айтқан. Әпкесі бөлмеге кірсе, Ажар қаза тапқан екен. Әйелдің денесінде көптеген көгерген, кесілген жерлер болған, қабырғалары сынған.

«Ажарды аса қатыгездікпен өлтірілгендіктен, 99-баптың 1-бөлігін 99-баптың 2-бөлігінің 5-тармағына өзгертуді талап етеміз. Қызметіне жауапсыздығы үшін полиция қызметкерлеріне қатысты Қазақстан Республикасы Қылмыстық кодексінің 370-бабының 4-бөлігімен және 433-бабының 3-бөлігімен қылмыстық іс қозғалсын», - деп Ажардың туыстары талап етті.

Оның күйеуі қазір қамалған. Бірақ туыстары кісі өлтіруге жол берген 15 полицейді де жазалауды талап еткен.

«Клуб орналасқан көшеде, әйелді соққыға жыққан жерде полиция бөлімі бар. Әйел олардан көмек сұраған, сол кезде полицейлер күйеуі екеуін көлікке отырғызып «бұл жерден кетіңіздер» деген. Қазіргі уақытта 15 полиция қызметкері жауапкершілікке тартылған жоқ», - деді Саида Сүлейменова.

Сонымен қатар, олар полицияға хабар бермеген дәмхана қызметкерлерін, құқық бұзушының туыстарын жауапкершілікке тартуды сұрайды. Бұған дейін Қызылорда облысы прокуратурасының баспасөз қызметі хабарлағандай, 3 қыркүйекте Шәдиеваның өлімі дерегі бойынша Қызылорда қалалық ІІБ Қылмыстық кодекстің 99-бабы «Адам өлтіру» 1-бөлігі бойынша сотқа дейінгі тергеу амалдарын басталған болатын.