"Ақша мен қыздардан шаршадым". "Манчестер Юнайтедтің" бұрынғы ойыншысы діни қызметкер болды

"Манчестер Юнайтедтің" экс-футболшысы Фил Малрин футболшылардың алатын жеңілдіктерінен көңілі қалған. Ол  31 жасында мансабын аяқтап, діни қызметкер болды. Қазір ол 44-те, бұл шешіміне мүлдем өкінбейді, деп хабарлайды Taulikt.kz Sports басылымына сілтеме жасап. Экс-футболшы өзінің тамаша өмірі мен көптеген артықшылықтарға ие болғанын айтты. «Бірақ айналамдағы барлық нәрселерден, мысалы, ақша мен қыздардан бір бостықты байқадым. Жас жігіттер қалағанның бәрі менде болған кезде неге бақытсыз екенімді түсінбедім. Бұл менің жаңа өмірді басьтауыма себеп болды. Мен бұл өмір салтын ұстануға деген қатты ықыласты сезіндім және бірнеше жыл бойы оны ұстанып келемін", - деді Фил Малрин. Айта кетейік, Малрин 1997 жылдары МЮ сапында 2 жыл ойнады. Бірақ 2 жыл ішінде «Манчестер Юнайтед» сапында ол бір ғана ойын өткіген.