Роналду мен Мессидің алаңда кездескен сәті жұртты сүйсінтті (ВИДЕО)
Әлемнің үздіктері саналатын португалиялық Криштиану Роналду мен аргентиналық Лионел Мессидің алаңда бір-бірімен амандасып, құшақтасқан сәті миллиондаған жанкүйердің жүрегінде қалары анық.
«Аль Наср» сапына ауысқан Роналду кеше «Аль-Хиляль» футбол командасымен іріктеліп алынған ойыншылармен бірге «ПСЖ»-ға қарсы жолдастық кездесуі өткізді.
Есеп «ПСЖ» пайдасына шешілді: 5:4.
Ойында Роналду дубль жасаса, Месси бір голды қанағат тұтты. Сарапшылар бұл ойын қос алыптың алаңда кездескен соңғы ойындары болатын шығар деп болжам жасап жатыр.