Дәрігерлер Ақтауда басына диван құлаған ер адамның жағдайы туралы айтты, – деп хабарлайды Taulik.kz Lada.kz сайтына сілтеме жасап.
Облыстық аурухананың мәліметінше, науқастың жағдайы өте ауыр болып. Ота жасау үшін бүгін Астанадан дәрігерлер келеді.
«Науқастың жағдайы өте ауыр. Дәрігерлер барлық жағдайды жасайды», – деп хабарлады облыстық аурухана өкілдері.
Өткен аптаның басында 11-шағын ауданда No41 үйден өтіп бара жатқан адамның басына диван құлаған. Құқық қорғау органдары қылмыстық іс қозғап, тергеу жүргізіп жатыр.
Диванды жоғарғы қабаттағы үйдің терезесінен лақтырып жібергені белгілі болды. Ер адам мойын омыртқасының сынуымен Маңғыстау облыстық ауруханасына жатқызылған.
