Астанада апатқа байланысты 236 үй газсыз қалды, деп хабарлайды Taulik.kz «ҚазТрансГаз Аймақ» компаниясына сілтеме жасап.
«Елордада 28 қарашада сағат 18:40-та «Газовик» ЖШС-ның құрылыс техникасы жер қазу жұмыстарын жүргізу кезінде орташа қысымды газ құбырын зақымдаған. Салдарынан «Көктал-1» ауданында газ беру қызметі толығымен тоқтатылды. Зақымданған газ құбыры ГРПШ-14,15,16-ны табиғи газбен қамтамасыз ететін. 236 абонент газсыз отыр. Апаттың салдарын жою жұмыстары аяқталғаннан кейін газ беру қызметі қайта қалпына келтірілетін болады», – делінген хабарламада.
