Қызылордада мұз астынан ер адамның мәйіті табылды, деп хабарлайды Taulik.kz Полиция департаментінің баспасөз қызметіне сілтеме жасап.
Мәлімет бойынша, 3 желтоқсанда Қызылорда қаласы ПБ «102» арнасына мұз астынан белгісіз адамның мәйіті табылғаны туралы хабарлама түскен.
Бұл дерек қалалық полицияның соталды тергеп-тексеру бірыңғай тізіліміне тіркелген. Өлімнің нақты себебін анықтау мақсатында ер адамның мәйітіне сот-медициналық сараптама тағайындалған.
Алдын ала мәліметтер бойынша, өлім себебін сипаттайтын белгілер жоқ. Тергеу жалғасады.
