Ұлытау облысында газ баллоны жарылып, 16 адам зардап шекті, деп хабарлайды taulik.kz.
«Жаңаарқа кентіндегі үйлердің бірінің моншасында газ баллоны жарылды. Салдарынан 50 шаршы метр аумақты өрт шарпыды», – делінген ақпаратта.
Алдын ала мәліметке сәйкес, оқиға болған үйде ас берілген. Жарылыс салдарынан 16 адам зардап шекті, олардың 8-і ауруханаға жатқызылды, біреуінің жағдайы ауыр. Сегіз адам үйіне жіберілген.
Қауіпсіздік техникасы өрескел бұзылған. Газ баллонын аяздан әкеліп, жылыту құрылғысының жанына қойған.
