22 қарашаға арналған ауа райы болжамын назарларыңызға ұсынамыз
Бүгін еліміздің солтүстігі мен оңтүстігінде және оңтүстік-шығыста ауа райы тұрақсыз болып, кей жерлерде қар жауады, деп хабарлайды Taulik.kz.
Сондай-ақ, аталған аймақтарда көктайғақ болып, тұман түседі. Ал Ақмола облысының кей жерлерінде тұман болып, желдің күші секундына 15-20 метрге жетеді.
Алматы облысының кей жерлері мен Жалаңашкөл аумағында желдің күші секундына 15-20 метрді құрап, тұман болады.
Жамбыл, Оңтүстік Қазақстан облыстарында көктайғақ болып, қатты жел соғады.
Солтүстік Қазақстан облысында бұрқасын, Қарағанды мен Шығыс Қазақстан облыстарында жел күшейіп, тұман түседі.