"Қазақша сөйлеуге міндетті емес": тағы бір дәмхана сынға қалды
Астанада орналасқан Qazaq coffee кофеханасы қазақ тілінде қызмет көрсетпегендіктен, уақытша жабылды деп хабарлайды Taulik.kz.
Кофехана елордадағы Сәкен Сейфуллин көшесі, 8 мекенжайында орналасқан. 2 Gis қосымшасындағы пікірлер бөлімінде бір клиент қазақша мәзірдің жоқтығына шағымданған. Жауап ретінде кофехана иесі қазақ тілінде қызмет көрсету міндетті емес екенін, ал кейбір басқа мекемелерде құжат бойынша 50/50 қазақ және орыс тілдері көрсетілгенімен, тек орысша қызмет көрсететінін алға тартқан. Қосымшада осы мәселе бойынша 14 мыңнан астам пікір жазылған.
Кейінірек кофехана атынан тағы бір пікір жарияланды. Онда наразылық тудырған пікірді бұрынғы қызметкер әдейі жазып кеткені айтылған.
