Таразда 19 жастағы қыз ұялы телефонының несиесін өтеу үшін анасының заттарын ұрлап кеткен деп хабарлайды taulik.kz Polisia.kz сайтына сілтеме жасап. Анасының сөзінше, белгісіз біреу пәтерге кіріп, алтын бұйымдар мен Apple watch сағатын ұрлап кеткен. Жедел іздестіру шарасы барысында ұрлықшы 19 жастағы туған қызы екені белгілі болды. Күдікті өзінің бұл әрекетіне ұялы телефонының несиесін төлеу үшін ақша керек болғанын себеп етті. Ол ұрлаған заттарын ломбардқа өткізген.
“Күдікті өз кінәсін толық мойындады. ҚР ҚК-нің 188-бабының 1- бөлігімен “Ұрлық” бойынша тергеу амалдары жүріп жатыр”, – деді ведомство.