12 жастағы аутизммен ауыратын бала жоғалып кетті

12 жастағы аутизммен ауыратын бала жоғалып кетті Өскеменде 12 жастағы аутизммен ауыратын бала жоғалып кетті, - деп хабарлайды Полиция департаментінің баспасөз қызметі. ШҚО Полиция департаменті баспасөз қызметінің мәліметінше, "102" арнасына хабарласқан азамат 14 тамызда түнгі сағат 02:30 шамасында үйінен белгісіз бағытқа шығып кеткен баласының табылмай жатқанын айтқан. 12 жастағы Темірлан Ахмеджанов аутизммен ауырады.

"Полиция қызметкерлері дереу жедел-іздестіру жұмыстарына кірісті. Сонымен қатар іздеуге құтқарушылар, кинологтар, ҚР Ұлттық Ұланы сарбаздары мен волонтерлер жұмылдырылған. Қазіргі уақытта олар үйлер мен аулаларды аралап тексеруде. Квадрокоптермен де іздеу жұмысы жүріп жатыр", - делінген ақпаратта.